माओवादी केन्द्रीय समिति बैठक
भदौं १६ मा ६ हजार ७४३ वडाबाट एकै पटक तीन महिने अभियान उद्घाटन गर्ने
समन्वय समिति विघटन, जिल्ला इन्चार्जसम्मकै जिम्मेवारी फेरियो, मतदाता नामावली रहेको वडामै केन्द्रीय सदस्यको कार्यविभाजन
काठमाडौं । नेकपा (माओवादी केन्द्र)ले आज देखि भदौं १५ सम्म तयारी गरेर भदौं १६ बाट तीन महिने अभियान चलाउने भएको छ । माओवादी केन्द्रको काठमाडौंमा जारी केन्द्रीय समिति बैठकमा अध्यक्ष पुष्पकमल दाहाल प्रचण्डले त्यस्तो अभियानको खाका प्रस्तुत गरेका हुन् ।
उनले भदौं १५ सम्म तयारी बैठकहरु गर्ने र १६ गते देशभरका ६ हजार ७ सय ४३ वटा वडामै एकैपटक अभियानको उदघाटन गर्ने कार्यक्रम घोषणा गरेका हुन् । केन्द्रबाट त्यस्तो अभियानको अध्यक्ष प्रचण्डले केन्द्रीकृत उदघाटन गर्नेछन् ।
माओवादीले जनतासँग माओवादी विशेष रुपान्तरण अभियान नाम दिएर अयिभान सुरु गर्न लागेको हो ।
यो अभियान तीन महिना रहने अध्यक्ष प्रचण्डले बताएका छन् । यसका निश्चित लक्ष्य र उदेश्य पनि तय गरिएको र त्यही लक्ष्य र उदेश्य पूर्ति गर्न सवै नेता केन्द्रीय सदस्यहरुको कार्यविभाजन पनि माओवादीले गरेको छ ।
अभियान तीन तरणमा गर्ने उसको तयारी छ । पहिलो चरणमा बैठक भेला, प्रशिक्षण, सदस्यता विस्तार, नविकरण, कार्यालय ब्यवस्थापन, अन्तरविरोधको पहिचान र समस्या समाधान, पार्टी नेता कार्यकर्ताको भरणपोषणका लागि कोष निर्माण लगायतका काम हुनेछन् ।
अभियानको दोस्रो चरणमा भने माओवादीले लगातार ५ घण्टासम्म विषण्विज्ञसँगको अन्तक्रिया, जभेला, स्थानीय संघ सस्थासँगको अन्तक्रिया लगायतका काम गर्ने गरि तय भएको छ । तेस्रो चरणमा
जनपरिचालन, जनप्रर्दशन लगायतका कार्यक्रम ठोस गरिएको माओवादीले जनाएको छ ।
अभियानका क्रममा अध्यक्ष देखि केन्द्रीय सदस्यसम्म सबैको कार्यविभाजन पनि गरेको छ ।
कार्यविभाजनमा माओवादीले ब्यापक हेरफेर गरेको छ । विगतमा जिम्मा लिईरेहका नेताहरुको कार्यविभाजन बदलिएको छ ।
कार्यविभाजन यस्तो
्माओवादीले पाटीृ पदाधिकारीहरुको कार्यविभाजनलाई नयाँ ढंगबाट गरेको छ । अध्यक्ष प्रचण्डलाई समग्र पार्टी र सरकार, बरिष्ठ उपाध्यक्ष नारायणकाजी श्रेष्ठलाई पनि सरकार र समग्र पार्टीकै जिम्मा दिईएको छ ।
उपाध्यक्ष कृष्णबहादुर महरालाई पार्टी एकता र समाजवादी मोर्चा, अर्का उपाध्यक्ष पम्फा भुसाललाई जनवर्गीय संगठनको इन्चार्ज, अग्नि सापकोटालाई प्रचार विभागको जिम्मा दिइएको छ ।
उपममहासचिव र सचिवहरुलाई प्रदेशको जिम्मा दिईएको छ । कोशीमा चक्रपाणि खनाल, मधेसमा लिलामणि पोखरmे बागमतिमा जनार्दन शर्मा, गण्डकीमा देवेन्द्र पौडेल, लुम्बिनीमा हितमान शाक्य, कर्णालीमा मात्रिका यादव, सूदुरपश्चिममा डिलाराम आचार्यलाई जिम्मा तोकिएको छ ।
त्यसैगरी सम्पर्क सम्वन्य मा गिरिराजमणि पोखरेल, उपत्यका विशेष प्रदेशमा वर्षमान पुन अनन्त, विदेश प्रवासमा राम कार्की, आइटी , विज्ञान प्रविधिमा गणेश शाह, कानुन प्राध्यापक लगायतमा दिनानाथ शर्मा लगायतका नेताहरुको कार्यविभाजन गरिएको छ ।
विगतमा रहेको समन्वय समिति माओवादीले विज्ञटन गरेको छ । प्रदेशका अहिले तोकिएका इन्चार्जको नेतृत्वमा स्थायी समितिका वरिष्ठ नेता संयोजक रहने गरि ५ देखि ९ जनासम्मको सचिवालय बनाउने निर्णय माओवादीको छ ।
एउटै प्रादेशभित्र अन्तरप्रदेश जिल्ला हुने गरी कार्यविभाजन गरिएको छ । त्यस आधारमा अहिले रहेका जिल्ला इन्चार्ज समेत फेरिने छन् । पार्टी सरकारका मोर्चामा रहेका, सचिवालयमा रहेका, संसदीय दलको प्रमुख सचेतक, सचेतकका जिम्मामा रहेका , स्थानिय तह जितेका प्रम्ुखहरुका कार्यविभाजन सम्वन्धित क्षेत्रमै हुनेछ ।
अन्य नेताहरुको भने अभियानका क्रममा आफ्नै मतदाता नामावलीमा रहेको वडामा परिचालन गर्ने गरी कार्यविभाजन हुने प्रचण्डले खाका तयार पारेका छन् ।
नयाँ तोकिएका प्रदेश इन्चार्जसँग आज र भोलि छलफल गरेर कुन जिल्ला, कुन पालिकामा क कसको जिम्मेवारी ठोस गर्ने भन्नेमा तय गर्ने र त्यसको निर्णयसहितको सर्कुलर केन्द्रीय समितिकोमा नै गरेर पठाउने पनि प्रचण्डले बताएका छन् ।
अभियानका क्रममा वडाका हरेक घर घरमा अनिवायृ जानुपनृे, कांग्रेस, एमाले, राप्रपा वा अन्य जुनकुनै पार्टीका सदस्यको घर भएपनि त्यहाँ पनि अनिवार्य जाने, कति परिवार सदस्य बस्छन्, सवै रिपोट राख्ने र त्यसलाई अनिवार्य गर्ने प्रस्ताव प्रचण्डको छ ।
अभियानका क्रममा भूमि आयोगलाई पनि सागै जोडेर लाने र भूमि समस्या समाधान गर्ने गरि जाने पनि माओवादीले जनाएको छ । सरकारमा रहेका बेला यो अभियानमा जोडेर काम गर्ने प्रचण्डको भनाई छ ।
माओवादीले जितेका १२२ वटा स्थानीय तह र माओवादीले जितेका वडा पालिकामा एक एक वटा नमुना काम गर्ने र त्यसको तयारी गर्न पनि माओवादीले भनेको छ ।
जनवगीृय संगठनहरुलाई अभियानमा जोडन तीन महिनाभित्र सम्मेलन गरेर सम्मेलनको तयारीकै आधारमा अभियान जोडन भनेको छ ।
संगठन निर्माण, जनसम्वनध र जनपरिचालनको काम गरेर फेरि माओवादीलाई तीन महिनाको अभियानबाट ब्याटलमा जितेर लैजाने माओवादीले जनाएको छ ।
अभियानका क्रममा अध्यक्ष प्रचण्ड र वरिष्ठ उपाध्यक्ष नारायणकाजी श्रेष्ठ सम्मले सात ओटा प्रदेशका एक एक ओटा वडामा अभियानमा जोडिने पनि माओवादीले जनाएको छ ।
पार्टी पहिलो चरणको अभियान सकेर विधान सम्मेलनमा जाने , विधान सम्मेलनबाट अब पार्टीको कमिटि कत्रो बनाउने, कुन कमिटिमा कस्ता मान्छे अटाउने सम्मको निधो लगाउने र आन्तरिक चुनावी प्रतिस्पर्धाबाटै अब कमिटि चयन गर्ने पनि माओवादीले जारी केन्द्रीय समिति बैठकबाट निर्णय लिएको छ ।
रामकृष्ण अधिकारी
अधिकारी मेरोन्यूज डटकमका सम्पादक हुन् ।
प्रतिक्रिया