काठमाडौं । नेपाल मेडिकल काउन्सिलको निर्वाचन शुक्रबार (आज)देखि सुरु भएको छ । निर्वाचन शुक्रबार र शनिवार काठमाडौं उपत्यकाबाहिरका १८ मतदान केन्द्रहरूसहित उपत्यकाबाहिर ६ स्थानमा मात्र मतदान हुदैछ ।

बीपी कोइराला स्वास्थ्य विज्ञान प्रतिष्ठान धरान,कोसी अस्पताल विराटनगर, प्रादेशिक अस्पताल जनकपुर, नारायणी अस्पताल वीरगन्ज, भरतपुर अस्पताल चितवन र पोखरा स्वास्थ्य विज्ञान प्रतिष्ठानमा मतदान जारी छ ।

काठमाडौं उपत्यकाभित्र काठमाडौं विश्वविद्यालय, धुलिखेलमा १० गते मतदान हुनेछ भने नेपाल प्रज्ञा प्रतिष्ठान कमलादी र स्थानीय विकास प्रतिष्ठान जावलाखेल, ललितपुरमा १० र ११ गते मतदान हुने निर्वचन समितिले जनाएको छ ।

काउन्सिलको एक उपाध्यक्ष र आठ सदस्यका लागि ३५ जना चुनावी मैदानमा छन् ।

उपाध्यक्षका लागि तीन र आठ सदस्यका लागि ३२ जनाको उमेदवारी परेको निर्वचन समितिले जनाएको छ । शनिबार यी ६ सहित थप १२ मतदान केन्द्रमा मतदान हुनेछ ।