बारले भोलिदेखि सशक्त आन्दोलन चर्काउने (भिडियोसहित)
काठमाडौं । प्रधानन्यायाधीश चोलेन्द्र समशेर जबराको राजीनामा माग गर्दै नेपाल बार एशोसिएशनले गरेको दोस्रो चरणको आन्दोलन मंगलबार सकिएको छ ।
दोस्रो चरणको आन्दोलन सकिँदा पनि सर्वोच्च अदालतका प्रधानन्यायाधीश जबराले राजीनामा नदिएपछि बारले बुधबारदेखि आन्दोलन थप सशक्त बनाउने भएको छ ।
बार एशोसिएसनको दोस्रो चरणको धर्नाको अन्तिम दिन मंगलबारको बिरोध कार्यक्रममा बोल्दै नेपाल बार एसोसिएसनका अध्यक्ष चण्डेश्वर श्रेष्ठले बुधवारबाट सशक्त रुपमा तेस्रो चरणको आन्दोलन गर्ने बताए ।
उनले प्रधानन्यायाधीश जबराले न्यायपालिकामा विसंगति, विकृति र भ्रष्टाचारलाई संरक्षण गरेको आरोप लगाए ।
अध्यक्ष श्रेष्ठले प्रधानन्यायाधीशको राजीनामा अपरिहार्य भएको बताउँदै राजीनामापछि मात्रै न्यायपालिकाको सुधार हुने उल्लेख गरे ।
मंगलवार एसोसिएसनले प्रधानन्यायाधीश राणाको राजीनामा माग गर्दै दोस्रो चरणको आन्दोलनको अन्तिम दिन सर्वोच्च अदालतमा धर्ना दिएको थियो ।
प्रतिक्रिया