आफ्नै पार्टीलाई हराएको भन्दै एमाले कैलालीका अध्यक्ष पदमुक्त
मेरोन्यूज
२०७९ असार १४ गते १६:३०
धनगढी । नेकपा एमाले कैलालीका जिल्ला अध्यक्ष रतन थापालाई पदमुक्त भएका छन् । सोमबार बसेको एमालेको सुदूरपश्चिम प्रदेश बैठकले थापालाई कारवाही स्वरुप अध्यक्ष पदबाट हटाएको हो ।
बैठकले जिल्ला कमिटीबाट आएको सिफारिसअनुसार थापालाई अध्यक्ष पदबाट हटाएर जिल्ला उपाध्यक्ष दुर्गा जोशीलाई कार्यवाहक अध्यक्षको जिम्मेवारी दिने निर्णय गरेको एमाले प्रदेश कमिटी सचिव धर्मराज पाठकले बताए ।
२३ असारमा एमाले जिल्ला सचिवालयको बैठकले चुनावमा आफ्नै पार्टीका उम्मेदवारलाई हराउन भूमिका खेलेको, पार्टी कमिटीको बैठक नराखेको भन्दै कारवाहीका लागि प्रदेश कमिटीलाई सिफारिस गरेको थियो ।
सो निर्णय सदर गर्दै आगामी १५ साउनभित्र जिल्ला अध्यक्षका लागि निर्वाचन गर्न निर्देशन दिएको सचिव पाठकले बताए ।
सम्बन्धित
प्रतिक्रिया