विश्वकप क्रिकेट : पाकिस्तानमाथि अस्ट्रेलियाको शानदार जित
मेरोन्यूज
२०८० कार्तिक ४ गते ७:३०
काठमाडौं । अस्ट्रेलियाले जारी क्रिकेट विश्वकपमा पाकिस्तानमाथि शानदार जित निकालेको छ । शुक्रबार सम्पन्न खेलमा अस्ट्रेलियाले पाकिस्तानलाई ६२ रनले पराजित गरेको हो ।
अस्ट्रेलियाले दिएको ३५० रनको लक्ष्य पछाएको पाकिस्तान ४५.३ ओभरमा अल आउट हुँदै ३०५ रन बनाएको थियो ।
यसअघि टस हारेर पहिला ब्याटिंग गरेको अस्ट्रेलियाले ५० ओभरमा ५ विकेट गुमाएर ३४९ रन बनाएको थियो ।
यो सँगै अस्ट्रेलियाले जारी विश्वकपमा दोस्रो जित हासिल गरेको छ । जितपछि अस्ट्रेलियाको ४ खेलमा २ जित र २ हारसहित ४ अंक भएको छ । त्यसैगरी पाकिस्तानको पनि ४ खेलमा २ जित र २ हारसहित ४ अंक रहेको छ ।
अब पाकिस्तानले आगामी सोमबार अफगानिस्तानविरुद्ध खेल्ने छ भने अस्ट्रेलियाले आगामी बुधबार नेदरल्याण्डससँग खेल्ने तालिका रहेको छ ।
सम्बन्धित
प्रतिक्रिया