नयाँ प्रधानन्यायाधीशमा विश्वम्भरप्रसाद श्रेष्ठ सिफारिस
मेरोन्यूज
२०८० साउन १८ गते १९:०६
काठमाडौँ । संवैधानिक परिषद्को बैठकले विश्वम्भरप्रसाद श्रेष्ठलाई नयाँ प्रधानन्यायाधीशमा सिफारिस गरेको छ। बिहीबार साँझ बसेको परिषद्को बैठकले श्रेष्ठको नाम सिफारिस गरेको राष्ट्रिय सभा अध्यक्ष गणेशप्रसाद तिमल्सिनाले जानकारी दिए।
गत असार १ गते नियुक्त प्रधानन्यायाधीश हरिकृष्ण कार्कीको पदावधि यही साउन २० गते सकिँदै छ।
परिषद् बैठकले महालेखा परीक्षकसहित ४ वटा संवैधानिक निकायमा नियुक्ति प्रक्रिया अगाडि बढाउने निर्णय पनि गरेको छ ।
महालेखा परीक्षक, निर्वाचन आयुक्त, प्राकृतिक स्रोत तथा वित्तिय आयोगका सदस्य र मुस्लिम आयोगका सदस्य नियुक्तिका लागि १५ दिनको समय दिएर सूचना निकाल्ने निर्णय बैठकले गरेको हो।
यी निकायहरूमध्ये कम्तिमा एकजना महिला नियुक्त गर्ने सहमति पनि संवैधानिक परिषद्को बैठकमा भएको छ।
सम्बन्धित
प्रतिक्रिया