आजमिति २०८० साल वैशाख १६ गते आईतवार तदअनुसार अप्रिल  २८ तारिख, नेपाल संवत ११४४ (चिल्लागा) उत्तरायणं वसन्त ऋतु कृष्ण पक्ष चतुर्थी विहान ८ :३७ बजेसम्म तत्पश्चात पञ्चमी तिथी, मुल नक्षत्र, । शिव योग छ ।  चन्द्र राशि धनु । यो  शुभ योग हो ।

वैदिक ज्योतिषमा आधारित तपाँईको आजको राशिफल यसप्रकार रहनेछ ।

मेष : सकेसम्म कम बोल्नु तथा आफूले नजानेको काममा हात नहाल्नु नै हितकर हुनेछ। कसैसँग बोल्दा वा ठट्टा गर्दा सतर्कता अपनाउनुहोला। स्वास्थ्यमा समस्या आउने तथा औषधि उपचारमा खर्च बढ्नसक्छ। प्रेमीको साथ पाइनेछ।

वृष : महत्त्वाकाङ्क्षी योजना गोप्य राखेर अघि बढ्नुहोला। पढाइलेखाइमा पनि खासै प्रगति गर्न नसकिने देखिन्छ। सद्‍विचारले अभिप्रेरित हुनेहरूलाई बिस्तारै लाभ हुनेछ। साँझमा मनमा हर्ष, उमङ्ग र उत्साह रहला।

मिथुन : रोकिएको काम दोहोर्‍याएर गर्दा फाइदा हुनेछ। बन्धु बान्धवबाट सहयोग मिल्नेछ। दिनको उत्तरार्धमा भने धन खर्च बढ्नेछ। दिनको उत्तरार्ध सुखद् रहनेछ। स्वास्थ्य राम्रो रहनेछ भने परिवारको खुसीका निम्ति केही खर्च हुनसक्छ।

कर्कट : प्रतिस्पर्धाबाट फाइदा उठाउन सकिनेछ। परिवारसँग रमाइलो भेटघाट हुनेछ। आफ्नो कार्य सम्पादनमा सहजता मिल्नेछ। शुभ समाचार सुन्न पाइएला। नयाँ काम सुरु गर्ने समय आएको छ। शुभकार्यको चर्चा पनि चल्नेछ।  

सिंह : कुनै कुराले मनमा शान्ति छाउनेछ। सहयोगीहरूले साथ दिनेछन्। काममा सोचेजस्तै सफलता मिल्नेछ। विशिष्ट व्यक्तिको भेटघाटले मन प्रसन्न हुनेछ। फेन्सी क्षेत्रबाट विशेष सफलता हात लाग्नेछ।  

कन्या : सानातिना समस्यामा अल्झिनुपर्नेछ। धेरै प्रयत्न गर्दा मात्र व्यावसायिक काम सम्पादन हुनेछन्। काममा केही प्रतिस्पर्धा र चुनौती सामना गर्नुपर्ला तर सेतो रङ्गको पहिरनले चुनौतीबाट मुक्त हुन सहयोग पुर्‍याउनेछ।   

तुला : नयाँ कार्यको योजना बन्नेछ। रोकिएका कामहरू पुनः सुरु हुन सक्छन्। अरूलाई प्रभावित पारेर काम बन्नेछ। प्रेम र दाम्पत्य जीवन सुखमय हुनेछ। अधुरा कार्य पूरा गर्न सहयोग मिल्नेछ। आतिथ्यपूर्ण सम्मान पाइएला।  

वृश्चिक : आफन्त वा इष्टमित्रमा कसैलाई सन्तान लाभ हुनसक्छ। कर्म प्रेमीहरूका लागि दिन बढी फलदायी रहनेछ। महिला वा मित्रबाट विशेष सहयोग पनि मिल्नेछ। व्यावसायिक काममा सामान्य फाइदा उठाउन सकिनेछ ।

धनु : प्राविधिक काममा सफलता प्राप्त हुनेछ। सोचेअनुरूप काम गर्न पाउँदा मन प्रसन्न रहनेछ। पारिवारिक सुख प्राप्त हुनेछ। धर्म, संस्कृति, कला, तथा साहित्यमा रुचि बढ्नेछ तर प्रशासनिक निकायको भय भने रहनेछ।  

मकर : लाभहानी, आयव्यय, सुखदुख बराबरी खालको रहनेछ। सौन्दर्यतामा धन खर्च हुनेछ। बेलुकीपख पारिवारिक जमघटमा मन रमाउनेछ कामबाट फुर्सद मिल्नेछ। बलभन्दा बुद्धिले निर्णय लिनु उचित हुनेछ।

कुम्भ : स्थानान्तरण र टाढाको यात्रा सम्भावना छ । पारिवारिक भेटघाटमा व्यस्त भइएला। घरमा अतिथिको आगमन हुनेछ। कलहको योग भएकाले कसैसँग बोल्दा वा ठट्टा गर्दा सतर्कता अपनाउनुहोला।

मीन : धार्मिक यात्राको योग छ। परीक्षामा उत्तीर्ण हुन सकिनेछ। मन पर्ने व्यक्तिसँग भेटघाट हुनेछ। प्रेमीको साथ र सहयोग मिल्नेछ। लामो यात्रा सुखद् र सफल हुनेछ तर खानपिनमा सावधानी अपनाउनु पर्नेछ।