रहिनन् ‘भेलु बाजे’की पत्नी बिस्ना
मेरोन्यूज
२०८० भदौ २६ गते १५:१७
काठमाडौं । ‘भेलु बाजे’ नामले चर्चित प्युठान नगरपालिका- ४ का मीनबहादुर बुढामगरकी पत्नी बिस्ना बुढाको निधन भएको छ ।
५९ वर्षीया बुढाको उपचारका क्रममा भारतको नयाँ दिल्लीस्थित अल इण्डिया इन्स्टिच्युट अफ मेडिकल साइन्सेस (एम्स) मा सोमबार निधन भएको हो ।
उनी लामो समयदेखि बाथ रोग र मिर्गौलासम्बन्धी समस्याबाट पीडित थिइन् ।
पारिवारिक स्रोतका अनुसार मृतक बुढाको दिल्लीमै अन्त्यष्टि गरिएको छ ।
मीनबहादुर ‘भेलु बाजे’नामले सामाजिक सञ्जालमा निकै चर्चित थिए । उनीसँगै बिस्नालाई पनि धेरैले चिनेका थिए । बुढा दम्पति बनिबुतो गरेर गुजारा गर्दै आएका थिए ।
सम्बन्धित
प्रतिक्रिया