पीएनजीविरुद्ध नेपालले पायो २०४ रनको लक्ष्य
मेरोन्यूज
२०७९ फागुन १५ गते १५:२५
काठमाडौँ । आईसीसी पुरुष विश्वकप क्रिकेट लिग २ अन्तर्गत युएईमा जारी त्रिदेशीय एक दिवसीय शृंखलाको पहिलो खेलमा नेपाललाई पपुवा न्यूगिनी (पीएनजी)ले २०४ रनको लक्ष्य दिएको छ ।
खेलमा नेपालले टस जितेर पहिला फिल्डिङ रोजेको थियो । यूएईस्थित दुबई अन्तर्राष्ट्रिय क्रिकेट मैदानमा टस हारेर पहिले ब्याटिङ गरेको पीएनजीले ५० ओभरमा नौ विकेट गुमाएर २०३ रन बनाएको हो ।
लिग २ मा २८ खेल खेलेको नेपाल १२ जित र १४ हारसहित २६ अंक जोडेर अंक तालिकाको छैठौं स्थानमा छ । नेपाललाई एक दिवसीय मान्यता जोगाउन बाँकी आठ खेलमा कम्तिमा पाँच खेल जित्नु पर्ने दबाब छ ।
सम्बन्धित
प्रतिक्रिया