बढी सामान बोक्ने ७५ ट्रक र ट्रिपर कारबाहीमा
मेरोन्यूज
२०७९ मंसिर १५ गते १५:३०
काठमाडौँ । क्षमताभन्दा बढी सामान बोकेका ७५ वटा ट्रक र ट्रिपर कारबाहीमा परेका छन् ।
बुधबार राति ९ देखि ११ बजेसम्म भक्तपुरको सल्लाघारी–जगाती सडक खण्डमा गरिएको रात्रि कालीन चेकिङमा हद निर्धारण गरिएभन्दा बढी सामान राखिएका ती सवारी साधनलाई कारबाही गरिएको काठमाडौं उपत्यका ट्राफिक प्रहरीले जानकारी दिएको छ ।
कूल ३२ वटा सवारी साधनलाई यातायात व्यवस्था ऐन २०४९ बजोजिम एक हजार रुपैयाँ जरिवाना गरिएको र ४३ वटा सवारी साधनमा बढी भएको सामान भने कारवाही स्वरुप हटाइएको ट्राफिक प्रहरी कार्यालयले जनाएको छ ।
सम्बन्धित
प्रतिक्रिया