शुक्रबार, मंसिर १६, २०७९

तीन निर्वाचन क्षेत्रको मत गणना हुन सकेन

मेरोन्यूज २०७९ मंसिर ८ गते १८:११

काठमाडौँ । गत आइतबार सम्पन्न प्रतिनिधिसभा र प्रदेशसभाको निर्वाचनको मत गणना अझै तीन जिल्लाका तीन निर्वाचन क्षेत्रमा हुन बाँकी रहेको छ ।

बाजुरा, स्याङ्जा र दोलखाका तीन निर्वाचन क्षेत्रमा मग तणना हुन बाँकी रहेको निर्वाचन आयोगका प्रवक्ता शालिग्राम शर्मा पौडेलले जानकारी दिए ।

निर्वाचनका बारेमा उठेका प्रश्नको निरुपणका लागि अनुसन्धान भइरहेकाले ती क्षेत्रमा मत गणनामा केही ढिलाइ भएको उनको भनाइ छ । कूल १६५ निर्वाचन क्षेत्रमध्ये १६२ स्थानमा मत गणना जारी छ ।

आयोगका अनुसार हालसम्म ५३ स्थानको नतिजा आइसकेको छ । आयोगको प्रणालीमा प्रविष्ट तथ्याङ्कअनुसार नेपाली कांग्रेस १९, नेकपा एमाले १२, नेकपा माओवादी केन्द्र छ, नेकपा एकीकृत समाजवादी चार, राष्ट्रिय प्रजातन्त्र पार्टी तीन र अन्य दल तथा उम्मेदवार आठ स्थानमा विजयी भएका छन् ।

Advertisement

प्रतिक्रिया