मंगलबार, कार्तिक ९, २०७८

संक्रिय कोरोना संक्रमितको झण्डै आधा संख्या काठमाडौँ उपत्यकामा

मेरोन्यूज २०७८ जेठ १ गते १८:२३

काठमाडौँ । देशभर फैलिएको कोरोना भाइरस (कोभिड–१९)को नयाँ भेरियन्टको संक्रमण दर बढ्दै जाँदा काठमाडौँ उपत्यकामा मात्रै सक्रिया संक्रमितको संख्या ४२ हजार २२५ पुगेको छ । पछिल्लो २४ घण्टाभित्र उपत्यकामा २ हजार ९ सय ३७ जनामा कोरोना पुष्टि भएसँगै संक्रिय संक्रमितको संख्या ४२ हजारभन्दा बढी भएको स्वास्थ्य तथा जनसंख्या मन्त्रालयले जानकारी दिएको हो ।

Advertisement

आज सबैभन्दा धेरै कोरोना पुष्टि भएको जिल्ला काठमाडौँमा २ हजार १४६ संक्रमित भएका छन् । योसँगै काठमाडौँमा संक्रिय संक्रमितको संख्या ३० हजार १२४ पुगेको छ । यस्तै, लितपुरमा ४४४ नयाँ कोरोना संक्रमित थप हुँदै कूल संक्रिय संक्रमितको संख्या ५ हजार पुगेको छ भने भक्तपुर जिल्लामा ३४७ जना संक्रमित थपिँदै कूल संक्रिय संक्रमितको संख्या ७ हजार १०१ पुगेको मन्त्रालयले जानकारी दिएको छ ।

हाल देशभर सक्रिय संक्रमितको संख्या एक लाख ९ हजार ७४० पुगेको छ । पछिल्लो २४ घण्टामा देशभर ८ हजार १६७ जनामा कोरोना पुष्टि भएको थियो । यस्तै ५ हजार ४८८ जना कोरोनाबाट निको भएर घर फर्किएका छन् ।

आज कोरोनाबाट निको हुने संख्यासहित देशभर कोरोना निको हुनेको कूल संख्या ३ लाख ३३ हजार १०८ जना पुगेको छ । यस्तै, ४ लाख ४७ हजार ७०४ जना संक्रमित भएका छन् ।

यस्तै, कोरोनाबाट काठमाडौँ उपत्यकामा मात्रै १६१५ जनाले ज्यान गुमाएका छन् । जसमा काठमाडौँमा एक हजार १०१ जना रहेका छन् । यसैगरि, भक्तपुरमा २१७ जना र ललितपुरमा २९७ जनाले ज्यान गुमाएका छन् ।

Advertisement

गत २४ घण्टामा एक सय ८७ जनाले कोरोनाबाट मृत्यु भएको मन्त्रालयले जानकारी दिएको छ । योसँगै नेपालमा कोरोनाबाट मृत्यु हुनेको संख्या ४ हजार ८ सय ५६ पुगेको छ ।

प्रतिक्रिया