शनिबार, मंसिर १८, २०७८

कृष्णप्रसाद भट्टराई मेलम्चीको हरेक थोपासँग गासिने नाम हो : प्रवक्ता शर्मा

मेरोन्यूज २०७७ चैत २० गते १४:२२

काठमाडौं । नेपाली कांग्रेसका प्रवक्ता विश्वप्रकाश शर्माले मेलम्चीको पानी काठमाडौं आइपुग्दा काठमाडौंबासिले कृष्णप्रसाद भट्टराईलाई सम्झिरहेको बताएका छन् । मेलम्चीको पानी काठमाडौंमा आइपुगेको सन्दर्भमा कुरा गर्दा प्रवक्ता शर्माले पानी काठमाडौं ल्याइपुर्‍याउन सबैको कर्मलाई सम्झिनुपर्ने भएपनि कृष्णप्रसाद भट्टराईको नामलाई बिर्सेर मेलम्चीको कथा शुरु र अन्त्य हुन नसक्ने बताएका हुन् ।

Advertisement


उनले सरकार र मन्त्रीले भट्टराईलाई बिर्सिएपनि उपत्यकाबासिले पानी पिउँदै गरेको हरेक थोपामा सम्झिने विश्वास व्यक्त गरे । उनले भने ‘एउटा विकासको परियोजना ऐतिहासिक रुपमा यसरी सम्पन्न गर्दाखेरी कसैको पनि आलोचना गरिरहने भन्दापनि सबैले गरेको कर्मलाई स्मरण गर्न जरुरी छ ,कृष्णप्रसाद भट्टराई मेलम्चीको हरेक थोपासँग गासिने नाम हो,भट्टराईलाई बिर्सेर मेलम्चीको कथा न शुरु हुने हो, न मेलम्चीको कथा अन्त्य हुने हो सरकारले बिस्र्यो होला, मन्त्रीजीले बिर्सिनु भयो होला, तर उपत्यकाबासि कसैलेपनि कृष्णप्रसाद भट्टराईलाई मेलम्चीको सन्दर्भमा हरेक पिउँदै गरेको घुट्कोसँगै, हरेक पिउँदै गरेको थोपासँगै सम्झिनुभएकै छ भनेर हामी विश्वास व्यक्त गर्दछौँ ।’

प्रवक्ता शर्माले मेलम्चीको पानी काठमाडौँ आउनुले हाम्रो सामथ्र्य पुष्टि भएको पनि बताए । यसले आगामी दिनमा नविन परियोजना तर्फ देशलाई लैजानको निम्ति मार्ग प्रशस्त गर्ने उनले बताए ।

प्रतिक्रिया