मनाङ एयरको हेलिकप्टर सोलुखुम्बुको ‘लामाजुरा’बाट सम्पर्कविहीन
मेरोन्यूज
२०८० असार २६ गते ११:२१
काठमाडौं । लुक्लाबाट काठमाडौंतर्फ आउँदै गरेको मनाङ एयरको हेलिकप्टर सम्पर्कविहीन भएको छ ।
लुक्लानजिकै सुर्कीबाट १०ः०५ मा उडेको हेलिकप्टर १०ः१३ बाट सम्पर्कविहीन भएको जानकारी आएको सोलुखुम्बुका प्रमुख जिल्ला अधिकारी वसन्त भट्टराईले मेरोन्यूजलाई जानकारी दिए ।
उडेको करीब ८ मिनेट १०ः१३ सम्म सम्पर्कमै रहेको हेलिकप्टर त्यसपछि सम्पर्कविहीन रहेको प्रजिअ भट्टराईले बताए । लामाजुरा भन्ने स्थानसम्म लुकलाको सम्पर्कमा रहेको तथा त्यसपछि काठमाडौँको टावरमा सम्पर्कमा नआएको प्रजिअ भट्टराईले बताए ।
हेलिकप्टरमा चालकसहित ६ जना सवार रहेको प्रारम्भिक जानकारी प्राप्त भएको त्रिभुवन अन्तर्राष्ट्रिय विमानस्थलका महाप्रबन्धक प्रतापबाबु तिवारीले जानकारी दिए ।
९एनए–एमभी कलसाइन भएको हेलिकप्टर सम्पर्कविहीन भएको हो ।
सम्बन्धित
प्रतिक्रिया