बुधबार, वैशाख १२, २०८१

बागमतीमा एमालेका ४ जना मन्त्री बन्दै

मेरोन्यूज २०८० चैत २० गते १२:४४

हेटौंडा । बागमती प्रदेशमा मंगलबार मन्त्रीपरिषद विस्तार हुने भएको छ ।

मुख्यमन्त्री शालिकराम जम्कट्टेलले आज थप चार जना मन्त्री नियुक्त गर्ने तयारी गरेका हुन्।

चारैजना मन्त्री एमालेबाट नियुक्त हुन लागेका हुन् । बागमतीमा रहेका एमालेका तीन पूर्वमन्त्रीहरुलाई नै पुनः जिम्मेवारी दिन लागिएको एमाले स्रोतको भनाइ छ । थप एक जना पहिलोपटक मन्त्री बन्दैछन् ।

स्रोतका अनुसार उद्योग, वाणिज्य, भूमि तथा प्रशासन मन्त्रालयमा प्रकाश श्रेष्ठ, वन तथा वातावरण मन्त्रालयमा केशव पोख्रेल, खानेपानी ऊर्जा तथा सिँचाइ मन्त्रालयमा एकालाल श्रेष्ठ र स्वास्थ्य मन्त्रालयमा रामेश्वर श्रेष्ठलाई मन्त्री नियुक्त गर्ने मुख्यमन्त्री जम्कट्टेलको तयारी रहेको छ ।

नेपाली कांग्रेसले छोडेका ६ वटा मन्त्रालयमध्ये एमालेले ५ वटा मन्त्रालयको नेतृत्व लिन लागेको हो । यसअघि १७ चैतमा एमाले संसदीय दलका नेता जगन्नाथ थपलिया आर्थिक मामिला तथा योजनामन्त्री नियुक्त भएका थिए ।

मन्त्रीहरूलाई आजै दिउँसो ३ बजे शपथ खुवाउने तयारी गरिएको छ ।

प्रतिक्रिया