काठमाडौं । त्रिकोणात्मक आईसीसी टी–२० सिरिज अन्तर्गत पहिलो खेलमा आयोजक हङकङविरुद्ध नेपालले फिल्डिङ गर्ने भएको छ। हङकङ, पपुवा न्युगिनी र नेपाल सम्मिलित शृंखला आजदेखि सुरु भएको छ।

हङकङविरुद्ध टस जित्दै नेपालले पहिला फिल्डिङ रोजेको हो। शनिबार भएको मैत्रीपूर्ण खेलमा नेपाल हङकङसँग ७३ रनको फराकिलो अन्तरले पराजित भएको थियो।

आजको खेलमा नेपाली टोलीमा तीन जना परिवर्तन गरिएको छ। रासिद खान, आकाश चन्द र सागर ढकाल बेन्चमा रहँदा करण केसी, लोकेश बम र अभिनास बोहोरालाई प्लेइङ ११ मा समावेश गरिएको छ।