शुक्रबार, चैत ३०, २०८०

सुनको मूल्यमा नयाँ रेकर्ड

मेरोन्यूज २०८० फागुन २२ गते ११:३१

काठमाडौं । नेपाली बजारमा मंगलबार सुनको मूल्यले नयाँ रेकर्ड कायम गरेकाे छ ।

मंगलबार सुनको मूल्य तोलामा दुई हजार रुपैयाँले बढेर हालसम्मकै उच्च बिन्दुमा पुगेकाे हाे ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख २३ हजार रुपैयाँमा कारोबार भइरहेको छ । सोमबार छापावाल सुन प्रतितोला एक लाख २१ हजार रुपैयाँमा कारोबार भएको थियो । 

त्यस्तै तेजाबी सुन प्रतितोला एक लाख २२ हजार ४०० रुपैयाँमा कारोबार भइरहेको महासंघले जनाएको छ ।

चाँदीको मूल्य पनि तोलामा ३५ रुपैयाँले बढेको छ । चाँदी प्रतितोला एक हजार ४४५ रुपैयाँमा कारोबार भइरहेको महासंघले जनाएको छ ।

Advertisement

प्रतिक्रिया