शुक्रबार, चैत ३०, २०८०

शालीन मृत्यु प्रकरण : पोस्टमार्टममा बलात्कार भएको देखिएन

मेरोन्यूज २०८० फागुन २० गते १३:५७

काठमाडौं । चितवनको शिशु निकेतन विद्यालयभित्र मृत भेटिएकी शालिन पोखरेलको बलात्कार नभएको देखिएको छ । प्रहरी श्रोतका अनुसार पोष्टमार्टममा उनको बलात्कार नभएको पाइएको हो।

गत १० फागुनमा शालिन विद्यालयको छात्रावासको कोठामा सिलिङको पंखामा डोरीमा झुन्डिएको अवस्थामा मृत अवस्थामा भेटिएकी थिइन् । उनकाे शवकाे पोष्टमार्टम त्रिवि शिक्षण अस्पताल, महाराजगञ्जमा गरिएको थियाे।

मृतकका आफन्तले ज्यान सम्बन्धी कसुरमा किटानी जाहेरी दिएपछि प्रहरीले विद्यालयका प्रधानाध्यापक ६० वर्षीय बालहरि देवकोटा, सह प्रधानाध्यापक ४० वर्षका किरणबहादुर अधिकारी र होस्टेल वार्डेन ४८ वर्षीय कमल शर्मा पौडेललाई मंगलबार पक्राउ गरेको थियो।

उनीहरुलाई सात दिन हिरासतमा राखेर अनुसन्धान थालिएकाे छ ।

Advertisement

प्रतिक्रिया