शुक्रबार, फागुन १८, २०८०

औषधि पसलमा काठमाडौं महानगरको निगरानी, प्रक्रिया पूरा नगरे बन्द गरिने

मेरोन्यूज २०८० मंसिर २० गते ८:५३

काठमाडौं । काठमाडौं महानगरपालिकाले महानगर क्षेत्रभित्रमा अवैधरूपबाट चलिरहेका औषधि पसललाई सचेत गराएको छ ।

मेयर बालेन्द्र(बालेन) शाहले बुधबार आफ्नो सामाजिक सञ्जाल फेसबुकमार्फत अनधिकृत व्यक्तिहरुबाट औषधी बिक्री वितरण भइरहेको, औषधि व्यवस्था विभागमा दर्ता नभएका औषधीसमेत बिक्री वितरण भइरहेका तथा चिकित्सकको प्रेस्किप्सनविना बिक्री भइरहेको गुनासो आइरहेको भन्दै त्यस्ता पसलहरूले तत्काल सुधारात्मक कदम चाल्न ध्यानाकर्षण गराएका छन् ।

उनले भनेका छन्,‘काठमाडौं महानगरपालिका स्वास्थ्य विभागबाट इजाजत पत्र नलिई सञ्चालनमा रहेको विभिन्न गुनासाहरू आम उपभोक्ताहरूबाट आइरहेको छ । काठमाडौं महानगरपालिकाको स्वास्थ्य विभागबाट अनुगमन गर्दा समेत उल्लेख भए अनुसार भएको पाइएको छ यसमा हामी गम्भीर छौँ’,।

यही मंसिर २९ गते भित्र आवश्यक कानूनी तथा व्यवस्थापकीय प्रक्रिया पूरा नगर्ने औषधि पसल बन्द गरिने समेत उनले जानकारी गराएका छन् ।

Advertisement

प्रतिक्रिया