काठमाडौँ। टी-२० विश्वकप छनौट अन्तर्गत एशिया क्षेत्रको सेमिफाइनलका खेल आज हुँदै छन् ।

सेमिफाइनलमा ओमान र बहराइन तथा युएई र नेपालले प्रतिष्पर्धा गर्दै छन् । ओमान र बहराइनबीचको खेल टियु क्रिकेट मैदानमा बिहान ११ बजेदेखि शुरु हुनेछ भने युएई र नेपालबीचको खेल मुलपानी क्रिकेट मैदानमा बिहान ११ बजेदेखि नै शुरु हुनेछ।

आजको खेल जितेर फाइनलमा पुग्ने देशले आगामी जुनमा अमेरिका र वेस्टइन्डिजमा हुने टी-२० विश्वकपमा स्थान बनाउने छन् ।

ओमानले समुह ‘ए’ मा समुह विजेता हुँदै सेमिफाइनलआमा आफ्नाे स्थान सुरक्षित गरेको हो । त्यस्तै बहराइनले भने समुह चरणमा केवल एक खेल जितेर पनि सेमिफाइनलको यात्रा तय गरेको छ । ३ खेलमा २ अंक हासिल गरेको बहराइनले सामना अंक भएका हङकङ र कुवेतलाई नेट रनरेटमा झिनो अन्तरले पछि पार्दै समुह उपविजेता बनेको थियो ।

त्यसैगरी युएईले समुह ‘बी’ का तिनै खेलमा जित हासिल गरेर ६ अंकसहित समुह विजेता हुदै सेमिफाइनलमा स्थान बनाएको हो भने नेपाल समुह ‘ए’ मा २ खेल जितेर ४ अंकसहित उपविजेता हुदै सेमिफाइनलमा पुगेको हो ।

नेपालको सम्भावित प्लेइङ ११ : रोहित पौडेल ‘कप्तान’, आसिफ शेख ९विकेटकिपर०, कुशल भुर्तेल, कुशल मल्ल, विवेक यादव, सन्दीप जोरारदिपेन्द्र सिंह ऐरी, सोमपाल कामी, करण केसी, गुलशन झा, सन्दीप लामिछाने र अविनाश बोहोरा ।