काठमाडौं । काठमाडौंको बसुन्धरा महाराजगन्ज चोकको सडकपेटीमा भेटिएको शंकास्पद बोराभित्र कपडा र कार्टुन फेला परेको छ । संविधान दिवसप्रति असन्तुष्टि जनाउने समुहले जनजीवन प्रभावित पार्ने गरि सडक पेटीमा सेतो बोरामा शंकास्पद सामान राखेर छोडी भागेका थिए ।

काठमाडौं महानगरपालिका ३ महाराजगन्जस्थित नारायणगोपाल चोकको बसुन्धराबाट बुढानिलकन्ठ जाने बाटोमा त्यस्तो शंकास्पद बस्तु भेटिएको र सेनाको डिस्पोजल टोली आई हेर्दा बोराभित्र काटुर्न र कपडा फेला परेको प्रहरीले जनाएको छ ।
बोरा शंकास्पद रुपमा सडक पेटीमा फेला परेपछि प्रहरी वृत्त महाराजगन्जबाट प्रहरी नायव उपरीक्षक अमर बहादुर थापाक्षेत्रीको कमाण्डमा प्रहरी परिचालन गरिएको थियो ।

पछि नेपाली सेनाको नारायणहिटी बाट सहसेनानी कुश खड्काको युनिटको बम डिस्पोजको टोली पुगेर हेर्दा शंकास्पद बोराभित्र कपडा र कानुन फेला परेको प्रहरीले जनाएको छ । करिव आधा घण्टा त्यस क्षेत्रको आवतजावत प्रभावित भएपनि अहिले खुला भएको छ ।