मंगलबार, असार ५, २०८१

दैलेखमा चट्याङ लागेर १६ वर्षीय युवकको मृत्यु

मेरोन्यूज २०८० असोज २ गते ६:५०

काठमाडौँ । दैलेखमा चट्याङ लागेर १६ वर्षीय युवकको मृत्यु भएको छ। घटनामा अन्य नौ जना घाइते भएका छन्।

Advertisement

महाबु गाउँपालिका–३ बासी घर भएका १६ वर्षीय किशोर दाहालको चट्याङ लागेर मृत्यु भएको हो।

जिल्ला प्रहरी कार्यालय दैलेखका प्रहरी निरीक्षक दीपक बिष्टले सोमबार तीजको मेला हेरेर फर्किने क्रममा महाबुस्थानको एक्ले सल्लो भन्ने ठाउँमा चट्याङ लाग्दा किशोरको मृत्यु भएको जानकारी दिए ।

किशोरसँगै रहेका अन्य नौ जना चट्याङले घाइते भएका छन्। घाइते मध्ये केहीलाई बढी चोट लागेको प्रहरीले जनाएको छ।

चट्याङबाट गम्भीर घाइते भएका किशोरको उपचारका क्रममा दैलेख जिल्ला अस्पतालमा मृत्यु भएको हो। नौ जना घाइतेको पनि सोही अस्पतालमा उपचार भइरहेको प्रहरीले जनाएको छ।

प्रतिक्रिया