बुधबार, असार ५, २०८१

गैह्रीगाँउमा भएको सामुहिक हत्या

बोल्न नसक्ने युवकले दीपेन्द्र भन्ठानेर नविनको हत्या गरे, पोल खुल्ने डरले भुजेलको परिवारै सखाप पारे !

मेरोन्यूज २०८० भदौ ३१ गते १७:३०

काठमाडौँ । तीनकुनेस्थित दिव्य सःमिलमा शुक्रबार राति भएको सामूहिक हत्या एक व्यक्तिलाई हत्या गर्न गएका युवकले अर्का व्यक्तिलाई हत्या गरेपछि पोल खुल्ने डरले परिवारै सखाप पारेको निष्कर्ष प्रहरीले निकालेको छ ।

Advertisement

घटनाको अनुसन्धानमा संलग्न एक प्रहरी अनुसन्धान अधिकृतले बोल्न नसक्ने अन्दाजी २२ वर्षीय युवक सःमिलमा दीपेन्द्र राईलाई रिसिइबीका कारण हत्या गर्न पुगेका थिए । दीपेन्द्र ती व्यक्ति हुन्, जो चार जनाको सामुहिक हत्या भएको खबर दिन रगताम्य कपडासहित तीनकुनेस्थित वानेश्वर प्रहरी वृत्तमा पुगेका थिए । घटनाबारे खबर गर्न २८ वर्षका दीपेन्द्र राई तीनकुनेस्थित प्रहरी वृत्त नयाँ बानेश्वर पुगेका थिए ।

ती बोल्न नसक्ने युवलकलाई प्रहरीले आइतबार पक्राउ गरेको छ । उनीसँगै प्रहरीले दुई वटा खुकुरी फेला पारेको छ । प्रहरीले एउटा खुकुरी पखालेको अवस्थामा र अर्को रगत लागेको अवस्थामा फेला पारेको बताएको छ ।

प्रहरी स्रोतका अनुसार बोल्न नसक्ने ती युवकलाई दीपेन्द्रले हाँकेको मोटरसाइकलले ठक्कर दिएको रहेछ । जुन युवकले प्रहरीसँगको बयानमा स्वीकारेका छन् । तर, उनले ती बाइक चलाउने नविन भनेर उनको हत्या गरे र हत्याको पोल खुल्ने डरले ५५ वर्षीय कुमार भुजेल, उनकी श्रीमती शुभद्रा र आमा ७० वर्षकी सुमित्राको पनि हत्या गरे ।

प्रहरी अनुसन्धानअनुसार घरबाटै प्राय बाहिर ननिस्कने नविनले बाइक चलाउँथेनन् ।

हत्या भएको केही बेरमै दीपेन्द्र सःमिलमा पुगेका थिए । दीपेन्द्र सःमिलमा पुग्दा ११ बजेर १३ मिनेट गएको र ११ः३३ मा निस्किएको सःमिलको सिसिटिभी फुटेटमा देखिएको प्रहरी स्रोतले बताएको छ ।

दीपेन्द्र समिलमा आएको देखेपछि आरोपी फाल हालेर भागेका थिए । उनले नविनलाई दिपेन्द्र भन्ठानेर हत्या गरेको हुन सक्ने प्रारम्भीक निष्कर्षमा आफूहरू पुगेको पनि प्रहरी स्रोत बताउँछ ।

आफू त्यहाँ पुग्दा सबैको हत्या भएपछि बचाउन भन्दै प्रयास गर्दा नसकेपछि उनी प्रहरीलाई खबर गर्न तिनकुनेस्थित प्रहरी वृत्तमा पुगेका थिए । उनी प्रहरी वृत्तमा पुग्दा ११ः५५ बजेको थियो ।

प्रहरीले घटनामा बोल्न नसक्ने युवकको मात्र संलग्नता भएको प्रारम्भिक अनुसन्धानबाट खुलेको बताएको छ ।

घटनामा संलग्न भएको आशंकामा प्रहरीले आइतबार मात्र ती युवकलाई पक्राउ गरेको छ । उनले प्रहरीसमक्ष चार जनाकै हत्या आफूले गरेको बयान दिएका स्रोतले बतायो ।

पक्राउ परेका ती युवकलाई म्याद थपका लागिअदालत लैजाने तयारी प्रहरीले गरेको छ । उनले घटनामा संलग्नता स्वीकार गरेका छन् । बोल्न नसक्ने भएकाले उनले कागजमा आफ्नो स्वीकारोक्ति व्यक्त गरेको प्रहरी स्रोत बताउँछन् ।

प्रहरीले आरोपीसँग सांकेतिक भाषामा र लेखेर संवाद गरिरहेको बताएको छ ।

प्रतिक्रिया