काठमाडौं । गण्डकी प्रदेश सरकारले आगामी आर्थिक वर्ष २०८०/८१ को नीति तथा कार्यक्रम सार्वजनिक गरेको छ । आइतबार प्रदेश प्रमुख पृथ्वीमान गुरुङले प्रदेशसभाको सदनबाट सरकारको नीति तथा कार्यक्रम सार्वजनिक गरेका हुन् ।

गण्डकी सरकारले प्रदेशभित्र यातायात व्यवस्था कार्यालय सेवा प्रवाहलाई प्रविधिमैत्री बनाउने घोषणा गरेको छ । यस्तै खानेपानीमा नागरिकको पहुँच सहज बनाउन लिफ्टिङ प्रणालीबाट उपलब्ध गराएर विद्युत महशुलमा अनुदान दिने प्रदेश प्रमुखको भनाइ छ ।

सरकारले सबै नागरिकलाई आधारभूत स्वास्थ्य सेवा विस्तार गरी सेवामा पहुँच र स्वामित्व बढाउने बताएकाे छ ।

यस्तै स्वास्थ्य क्षेत्रमा मिर्गौला डायलाइसिसको निशुल्क डायलाइसिस सेवा विस्तार , सार्वजनिक खर्चलाई मितव्यपी बनाउन, चालू खर्च कटौती गर्ने र पूँजीगत खर्च बढाउने विषयलाई प्रथामिकता दिने जनाएको छ ।