बेरोजगार भएपछि भौतारिए, निरूको हत्या गरी लुटेको सिक्रीबाट फोन किने
मेरोन्यूज
२०८० वैशाख १७ गते १६:१७
काठमाडौँ । काठमाडौँको कपनस्थित सरस्वतीनगरमा भाँडा पसल राख्दै आएकी निरु भन्ने नीरा पाण्डेको हत्या आरोपी विनोद विकलाई सार्वजनिक गरिएको छ । प्रहरीले आज दिउँसो उनलाई सार्वजनिक गरेको हो ।
हत्यामा प्रयोग भएको चक्कु मनोहरा खोलामा फ्याकेको विकले बयान दिएका छन् । झापाको धुलाबारी १० घर भएका उनी वैशाख ७ गते दिउँसो निरुको हत्या गरी १४ गते घर गएका थिए ।
निरुबाट लुटिएको करिब एक लाख रुपैयाँ बराबरको सिक्री वैशाख १३ तारकेश्वरको पाथीभर ज्वेलर्समा बेचेपछि उनले आफ्ना लागि फोन किनेका थिए । उनले १० हजारको नयाँ मोबाइल किनेका हुन् ।
ठमेलमा बाउन्सरको जागिर छाड्नु परेपछि उनी बेरोजगार थिए । त्यही कारण उनी वैशाख सुरुदेखि भक्तपुरको लोकन्थलीस्थित साथीको कोठामा बस्दै आएका थिए ।
प्रहरीका अनुसार निरुको हत्याका क्रममा रगत लागेको सर्ट लोकन्थलीस्थित साथीको घरमा भेटिएको छ ।
सम्बन्धित
प्रतिक्रिया