उपनिर्वाचनले कांग्रेसको चरित्र र गतिशिलता पुनस्थापित गर्नुपर्ने सन्देश दिएको छ : डा. रिजाल
काठमाडौँ । नेपाली कांग्रेसका नेता डा. मीनेन्द्र रिजालले १० बैशाखमा सम्पन्न उपनिर्वाचनले नेपाली कांग्रेसको चरित्र र गतिशिलता पुनस्थापित गर्नुपर्ने सन्देश दिएको बताएका छन् । सामाजिक सञ्जाल ट्वीटरमा नेता डा. रिजालले लेखेका छन्, ‘हाम्रा लागि कांग्रेसको चरित्र र गतिशिलता पुनर्स्थापित गर्नुपर्ने अपरिहार्य सन्देश प्रष्ट छ।’
डा. रिजालले उपनिर्वाचनमा रास्वपा नेता रवि लामिछाने र डा. स्वर्णिम वाग्लेलाई विजय, जसपा नेता उपेन्द्र यादवलाई प्राप्त सफलताकालागि हार्दिक बधाई र सफल प्रतिनिधि सभा कार्यकालको शुभकामना पनि आफ्नो ट्वीटमा दिएका छन् ।
कांग्रेसले उपनिर्वाचन भएका तीन क्षेत्रमध्ये तनहुँ १ र चितवन २ मा पार्टीबाट उम्मेदवार उठाए पनि पराजित भएका थिए ।
मंसिरमा जितेको तनहुँ १ पनि वैशाखको उपचुनावमा कांग्रेसले गुमाउँदा एक सिट घटेको छ ।
सम्पन्न उपनिर्वाचनमा रास्वपा नेता रवि लामिछाने र डा. स्वर्णिम वाग्लेलाई प्रत्ययप्रद विजय, जसपा नेता उपेन्द्र यादवलाईप्राप्त सफलताकालागि हार्दिक बधाई र सफल प्रतिनिधि सभा कार्यकालको शुभकामना।
— Minendra Rijal (@MinendraRijal) April 26, 2023
हाम्रालागि कांग्रेसको चरित्र र गतिशिलता पुनर्स्थापित गर्नुपर्ने अपरिहार्य सन्देश प्रष्ट छ।
प्रतिक्रिया