उपनिर्वाचन : बारा २ मा कांग्रेसले जसपालाई सघाउने
मेरोन्यूज
२०७९ चैत १९ गते १२:०६
काठमाडौं । नेपाली कांग्रेसले बारा २ को उपनिर्वाचनमा जनता समाजवादी पार्टी(जसपा)लाई सघाउने भएको छ ।
पार्टी केन्द्रीय कार्यालय सानेपामा बसेको कार्यसम्पादन समितिको बैठकले वैशाख १० गते हुने उपचुनावका लागि जसपालाई सहयोग गर्ने निर्णय गरेको हो ।
कांग्रेस केन्द्रीय कार्यसम्पादन समितिको आइतबार सानेपामा बसेको बैठकमा जसपाको उम्मेदवारलाई सघाउने सभापति शेरबहादुर देउवाले राखेको प्रस्ताव पारित भएको सहमहामन्त्री जीवन परियारले जानकारी दिए ।
त्यहाँ जसपाबाट अध्यक्ष उपेन्द्र यादवले उम्मेदवारी दिने चर्चा छ । त्यस्तै जनमत पार्टीबाट शिवचन्द्र कुसवाह र राष्ट्रिय स्वतन्त्र पार्टीबाट रमेश खरेल उम्मेदवार बन्दैछन् ।
त्यहाँबाट निर्वाचित सांसद रामसहायप्रसाद यादव उपराष्ट्रपति बनेपछि १० बैशाखमा उपनिर्वाचन हुन लागेको हो ।
सम्बन्धित
प्रतिक्रिया