घुस लिएको आरोपमा नापी कार्यालयका सर्वेक्षक र लेखापढी व्यवसायी पक्राउ
मेरोन्यूज
२०७९ चैत १४ गते १८:२९
काठमाडौँ । अख्तियार दुरुपयोग अनुसन्धान आयोगले सेवाग्राहीबाट घुस लिएको आरोपमा नापी कार्यालय मनमैँजुबाट दुई जना पक्राउ गरेको छ ।
आयोगको टंगाल कार्यालयबाट खटिएको टोलीले लेखापढी व्यवसायी र सर्भेक्षकलाई पक्राउ गरेको हो ।
पक्राउ पर्नेमा मुक्तिनाथ कानुनी सेवाका लेखापढी गर्ने अभिषेक कार्की र सर्भेक्षक रमेश उपरकोटी रहेका छन् ।
उनीहरूले कित्ताकाट गर्न सहजीकरण गरेबापत घुस लिएको आरोपमा पक्राउ परेका अख्तियारले जनाएको छ । उनीहरूको साथबाट एक लाख ७५ हजार रुपैयाँ फेला परेको थियो ।
सम्बन्धित
प्रतिक्रिया