काठमाडौँ । नेपाली कांग्रेसका उपसभापति पूर्णबहादुर खड्काले प्रधानमन्त्रीलाई विश्वासको मत दिनेबारेमा १० दलीय गठबन्धनका नेताहरू सकारात्मक रहेको बताएका छन् ।

शनिबार प्रधानमन्त्रीको सरकारी निवास बालुवाटारमा बसेको १० दलीय गठबन्धनको बैठकपछि सञ्चारकर्मीहरूसँग कुरा गर्दै उनले यस्तो बताए ।

उनका अनुसार बैठकमा आइतबार संसदमा पेस हुने संक्रमण कालीन न्यायसँग सम्बन्धित विधेयक र संवैधानिक परिषद्सँग सम्बन्धित विधेयकका बारेमा छलफल भएको बताएका हुन् ।

‘६ गते प्रधानमन्त्रीले विश्वासको मत लिनेबारेमा छलफल भयो, भोलि संसदमा पेस हुने संक्रमण कालीन न्यायसँग सम्बन्धित विधेयक र संवैधानिक परिषद्सँग सम्बन्धित विधेयकका बारेमा छलफल भयो,’ उनले भने ।

उपसभापति खड्काले बैठकमा प्रधानमन्त्रीले विश्वासको मत लिनेबारे पनि छलफल भएको बताए ।