बदख्सानमा आत्मघाती आक्रमणकारीलाई गोली हानी मारियो
मेरोन्यूज
२०७९ फागुन १३ गते १३:३५
अफगान सेनाले बदख्सानमा एक जना आत्मघाती आक्रमणकारीलाई गोली हानेर मारेको छ । उत्तरी बदख्सान प्रान्तको राजधानी फैजाबादमा हमलाका निम्ति आएको एक आक्रमणकारीलाई सुरक्षाकर्मीले मारेका सूचना तथा संस्कृतिसम्बन्धी प्रान्तीय निर्देशक कारी माजुदिन अहमदीले बताएका छन् ।
आज बिहान एक जना आत्मघाती आक्रमणकारी निजी क्षेत्रको न्यु काबुल ब्याङ्कमा प्रवेश गर्ने प्रयास गरिरहेको थियो तर व्याङ्कका सुरक्षाकर्मीले निजलाई आत्मघाती हमलाकारीका रूपमा पहिचान गरी गोली प्रहार गरेका उनले सिन्ह्वालाई बताए । कारबाहीमा आक्रमणकारी मात्र मारिएको तथा अन्य कोही घाइते नभएका अर्का एक जना सरकारी अधिकारीले बताएका छन् । उक्त घटनामा थप तीन जना घाइते भएका एक जना प्रत्यक्षदर्शीले नाम उल्लेख नगर्ने शर्तमा सिन्ह्वालाई बताएका छन् ।
सम्बन्धित
प्रतिक्रिया