स्वास्थ्यकर्मीले पाएनन् पाँच महिनादेखि तलब
मेरोन्यूज
२०७९ पुष २५ गते २०:२५
काठमाडौँ । वीरगञ्जको इन्वास्थित हेल्थ डेक्समा कार्यरत १३ जना स्वास्थ्यकर्मी तथा कर्मचारीले गत साउनदेखि तलबविहीन बनेका छन् ।
सीमा क्षेत्रमा खटिरेहका स्वास्थ्यकर्मी तथा कर्मचारीलाई पाँच महिनाभन्दा बढी समयदेखि तलब नदिएको हेल्थ डेक्स इन्चार्ज डा. अनिषा महतोले बताए ।
उनले एक मेडिकल अफिसर, तीन हेल्थ असिसटेन, दुई जना स्टाफ नर्स, पाँच जना ल्याब टेक्निसियन र दुई कार्यालय सहयोगीको महानगरले साउनदेखि नै तलब नपठाएकाले आफूहरूलाई समस्या परेको बताए ।
वीरगञ्ज महानगरका नगरप्रमुख राजेशमान सिंहले तलब सुविधा संघ सरकारले मधेस प्रदेश सरकारलाई पठाएको र प्रदेश सरकारले उक्त रकम महानगरलाई नपठाएको बताए ।
उनले प्रदेश सरकारको स्वास्थ्य सचिवलाई मौखिक तथा लिखित रुपमा तलब पठाउन पटकपटक आग्रह गर्दा हालसम्म कुनै सुनुवाइ नभएकाले समस्या देखिएको बताए ।
सम्बन्धित
प्रतिक्रिया