काठमाडौँ । मंसिर ४ गते सम्पन्न भएको प्रतिनिधिसभा निर्वाचनको समानुपातिक तर्फका मत परिणाम सार्वजनिक भएको छ । जसमा जम्मा सात राजनीतिक दल मात्रै राष्ट्रिय पार्टी बन्न सफल भएको छ ।

निर्वाचन आयोगका सहायक प्रवक्ता ऋषिराम भुसालले समानुपातिक तर्फको मत गणना सकिएको जानकारी दिँदै कूल सदर मतको ३ प्रतिशत कटाएका सात दल मात्रै राष्ट्रिय दल बनेको जानकारी दिए ।

मत परिणामअनुसार राष्ट्रिय दल बन्न थ्रेस होल्ड कटाउन आवश्यक तीन लाख १६ हजार ८०२ मत पाउन पर्दछ । समानुपातिक मतका अनुसार नेकपा एमालेले २८ लाख ४५ हजार ६४१ मत पाउँदै पहिलो दल बनेको छ ।

यस्तै, कांग्रेसले २७ लाख १५ हजार २२५ मत, नेकपा माअ‍ोवादी केन्द्रले ११ लाख ७५ हजार ६८४ मत र सबैभन्दा कान्छो दल राष्ट्रिय स्वतन्त्र पार्टीले ११ लाख ३० हजार ३४४ मत पाएको छ ।