भीम रावलको क्षेत्रमा एकीकृत समाजवादीको अग्रता कायमै
मेरोन्यूज
२०७९ मंसिर ६ गते १५:२७
काठमाडौँ । प्रतिनिधिसभा सदस्यमा नेकपा एकीकृत समाजवादीका नेता एवं निवर्तमान श्रम तथा रोजगारमन्त्री शेरबहादुर कुँवरले अग्रता कायम राखेका छन् ।
एमालेका नेता भीम रावल विजयी हुँदै आएका अछाम निर्वाचन क्षेत्र नं १ मा उनले सुरुवातदेखि नै अग्रता कायम राखेका हुन् ।
लोकतान्त्रिक–वाम गठबन्धनका उम्मेदवार कुँवरले १० हजार २९० मत प्राप्त गरेका छन् । यस्तै, नेकपा एमालेका उम्मेदवार झपटबहादुर बोहराले छ हजार २६४ मत पाएका छन् ।
यस्तै, क्षेत्र नं २ मा लोकतान्त्रिक–वाम गठबन्धनका साझा उम्मेदवार नेपाली कांग्रेसका सभापति पुष्पबहादुर शाहले पनि अग्रता कायम गरेका छन् ।
शाहले आठ हजार ६५७ मत प्राप्त गरेका छन् भने एमालेका यज्ञ बोगटीले पाँच हजार ७२९ मत पाएका छन् ।
सम्बन्धित
प्रतिक्रिया