बिहीबार, मंसिर २२, २०७९

तस्बिरमा हेर्नुस् कलाकार हरिवंश आचार्यको टीका

मेरोन्यूज २०७९ असोज १९ गते १२:३१

काठमाडौं । हास्यकलाकार हरिवंश आचार्यले आफ्नो परवासँग दशैँ मनाएका छन् । उनले आफ्नो परिवारसँग बसेर दशै मनाएका छन् । दशैँको टिका लगाएसँगै उनले सामाजिक सञ्जालमा तस्बिर पोस्ट्याएका छन् ।

आज बडादशैं अर्थात् विजयादशमीको मुख्य दिन मान्यजनबाट दुर्गा भवानीको प्रसादस्वरुप टीका तथा जमरा लगाई हर्षोल्लासका साथ मनाइँदै छ । विजयादशमीका दिन आज बिहान सर्वसाधारणले १० बजेर ३४ बजे देवी विसर्जन गरी बिहान ११ बजेर ५१ बजे टीका ग्रहण गरेका छन्। आज दिनभर देवीको प्रसाद लगाउने साइत रहेको छ ।

विजयादशमीका दिन बिहान नवदुर्गाको पूजा आराधना गरी जया, विजया, अजिता र अपराजिता गरी चार देवीको पूजा आराधना गरेर देवी विसर्जन गरिन्छ। मान्यजनबाट टीका ग्रहण गर्दा अरू फूलको सट्टा समृद्धिको प्रतीक पहेंलो जमरा नै प्रयोग गरिन्छ।

घटस्थापनाका दिन राखिएको जमरा आज नवदुर्गाको प्रसादका रूपमा लगाइन्छ। घटस्थापना गरिएको पूर्ण कलशबाट अभिषेक गरी नवदुर्गाको प्रसादस्वरूप रातो टीका र जमरा लगाउने वैदिक सनातनी परम्परा छ। केही जाति र सम्प्रदाय विशेषले भने आज सेतो अक्षताको टीका लगाएर पनि विजयादशमी पर्व मनाउँछन्।

असत्यमाथि सत्य र आसुरी शक्तिमाथि दैवी शक्तिको विजयका रूपमा बडादशैं पर्व मनाउने परम्परा बसेको शास्त्रीय प्रमाण रहेको छ। यस पर्व अन्तर्गत नवरात्रिका उपलक्ष्यमा घटस्थापनादेखि नौ दिनसम्म विभिन्न शक्तिपीठ तथा दशैंघरमा प्रत्येक दिन पूजाअर्चना सहित दुर्गा सप्तशती चण्डी र भगवतीको स्तोत्र पाठ गरेपछि त्यसको प्रसाद आजदेखि कोजाग्रत पूर्णिमामा अखिल बलिपूर्ति नभएसम्म लगाइन्छ।

Advertisement

नौ दिनसम्म दशैंघरमा दुर्गा भवानीको पूजा आराधना गरी राखिएको जमरा सहितको टीका आजदेखि पाँच दिनसम्म लगाउने प्रचलन छ। पूजाकोठा तथा दशैंघरमा विधिपूर्वक राखिएको जमरा आजैका दिन देवीपूजा विसर्जन गरी निकालिएपछि पूर्ण घडाको जलले अभिषेक गरी आफ्ना मान्यजनबाट श्री नवदुर्गा भवानीको प्रसाद, टीका र जमरा लगाई आशीर्वाद थापिन्छ।

आजका दिन परिवारमा आफूभन्दा ठूलाबडा, बाजेबज्यै, बाबुआमा, गुरुपुरोहित तथा मान्यजनको हातबाट नवदुर्गा भवानीको टीका, जमरा तथा प्रसाद थापी उनीहरूबाट यश, ऐश्वर्य वृद्धि तथ दीर्घायु प्राप्त होस् भनी आशीर्वाद लिने गरिन्छ।

प्रतिक्रिया