सडक दुर्घटनामा इण्डोनेसियामा पाँच जनाको मृत्यु, चार घाइते
मेरोन्यूज
२०७९ साउन २९ गते २१:५९
काठमाडौँ । पश्चिमी जाभाको सुकाबुमी रिजेन्सीबाट आइतबार सियानजुर जाने क्रममा गहुँ बोकेको ट्रकको ब्रेक फेल हुँदा पाँच जनाको मृत्यु भएको छ । अन्य चार जना घाइते भएका छन् ।
उक्त ट्रकले पहिले सडक छेउमा पार्क गरिएका दुई वटा कारलाई र त्यसपछि विपरीत दिशाबाट आएका अन्य तीनवटा मोटरसाइकल र केही पैदल यात्रुलाई समेत ठक्कर दिँदै घरको बारमा ठोक्किएर पल्टिँदा उक्त दुर्घटना भएको सियानजुरका प्रहरी प्रमुख डोनी हर्मावानले उल्लेख गरेका छन् ।
दुर्घटनामा मृत्यु हुनेमा मोटरसाइकल चालक र पैदल यात्री रहेको हर्मावानले बताएका छन् । मृतक र घाइते सबैलाई नजिकैको स्वास्थ्य संस्थामा लगिएको छ । दुर्घटनाले दुवैतर्फ ट्राफिक जाम भएकाले घाइतेलाई बाहिर निकाल्न स्वास्थ्यकर्मीलाई कठिनाइ भएको थियो ।
सम्बन्धित
प्रतिक्रिया