कोरियामा एकै दिन ७१ हजारमा कोरोना पुष्टि
मेरोन्यूज
२०७९ साउन ५ गते १५:४३
काठमाडौँ । दक्षिण कोरियामा पछिल्लो २४ घण्टामा ७१ हजार १७० जनामा कोभिड १९ संक्रमण पुष्टि भएको छ ।
योसँगै देशमा कोरोना संक्रमितको संख्या एक करोड ९० लाख ९ हजार ९८० पुगेको स्वास्थ्य अधिकारीले जानकारी दिएका छन् ।
कोरिया डिजिज कन्ट्रोल एण्ड प्रिभेन्सन एजेन्सीका अनुसार अघिल्लो दिन ७६ हजार चार सय दुई संक्रमित फेला परेका थिए । गम्भीर अवस्थाका रहेका संक्रमितको संख्या एक सय तीन पुगेको छ ।
संक्रमणबाट मंगलबार १७ जनाको मृत्यु भएको छ । हालसम्म चौबिस हजार ७९४ जनाले महामारीबाट ज्यान गुमाइसकेका छन् ।
सम्बन्धित
प्रतिक्रिया