मंगलबार, असोज १८, २०७९

एमालेको दाबी : युवा पुस्तालाई ध्यान दिए बहुमत आउँछ (अपानी)

मेरोन्यूज २०७९ असार २७ गते १६:१४

काठमाडौँ । प्रमुख प्रतिपक्षी दल नेकपा एमालेले स्थानीय तहको मतको समीक्षा गर्दै संघ र प्रदेशसभा निर्वाचनको तयारी हुन निर्देशन जारी गरेको छ । एमालेले आगामी चुनावको बहुमतका लागि १६ प्रतिशत मत नपुग्ने भन्दै तयारी गर्न निर्देशन दिएको हो ।

एमालेले जारी गरेको अन्तर पार्टी निर्देशन (अपानी)मा मत वृद्धि गर्न युवा पुस्ताले विशेष ध्यान दिनु पर्ने बताएको छ । ‘हामीलाई बहुमत पुग्न करिब १६ प्रतिशत मत अपुग छ, त्यसलाई वृद्धि गर्न सकिन्छ, नयाँ पुस्तालाई विशेष ध्यान दिने, पार्टीको जनाधार बलियो भएको ठाउँमा जनाधारलाई सुदृढ गर्ने, कमजोर जनाधार भएको ठाउँमा जनाधार विस्तारमा जोड दिने,’ अपानीमा भनिएको छ ।

एमालेले सत्ताको गोटी चाल्दा अहिलेको सत्ता गठबन्धन भत्काउन सकिने निष्कर्ष निकालेको छ । तर, अहिले गठबन्धन नै चुनावमा जान सक्ने भएकाले एक्लै चुनाव जित्ने गरी तयारी गर्न निर्देशन गरेको छ ।

प्रतिक्रिया