मंगलबार, असोज १८, २०७९

कुकुरको टोकाइबाट बैतडीमा लेखापालको मृत्यु

मेरोन्यूज २०७९ असार २४ गते १९:४१

बैतडी । जिल्लामा कुकुरको टोकाइबाट एक व्यक्तिको मृत्यु भएको छ । मृत्यु हुनेमा जिल्लाको सिगास गाउँपालिका ७ स्थित बालकृष्ण माध्यमिक विद्यालयका लेखापाल ३६ वर्षीय नरेन्द्र बहादुर साउद रहेका छन् ।

उनलाई तीन महिना पहिले कुकुरले टोकेको थियो । कुकुरले टोकेपछि उनको स्वास्थ्य अवस्था दैनिक बिग्रँदै गएको थियो । उनलाई गत मंगलबार उपचारका लागि अस्पताल लगिएको हो ।

जाँचका क्रममा रेबिज पुष्टि भएको र उपचारकै क्रममा मृत्यु भएको सिगास गाउँपालिकाका शिक्षा शाखा प्रमुख रमेश भट्टले बताए । परिवारका अन्य सदस्यलाई कुकुरले टोकेको आफन्त सूर्यबहादुर बोहराले बताए ।

प्रतिक्रिया