प्रचण्डलाई भेटन् खुमलटार पुगे गृहमन्त्री खाँण
मेरोन्यूज
२०७९ जेठ २१ गते १६:०१
काठमाडौं । गृहमन्त्री बालकृष्ण खाँणले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’सँग भेट गरेका छन् । प्रचण्डको ललितपुरको खुमलटारस्थित निवासमा शनिबार बिहान भएको भेटमा समसामयिक राजनीतिबारे छलफल भएको छ ।
भेटमा समसामयिक राजनीति, संघीय संसदमा पेस भएको आर्थिक वर्षको बजेट, सरकारले संसदमा पेस गर्न लागेका विभिन्न विधेयकबारे छलफल भएको थियो । भेटमा स्थानीय तह निर्वाचनको समीक्षा र सत्तारुढ दलको गठबन्धनलाई निरन्तरता दिनेबारे छलफल भएको थियो ।
सरकारले प्रतिनिधिसभाको जारी अधिवेशनमा राजनीतिक दलबीचको सहमतिमा नागरिकता विधेयक पेस गर्ने तयारी गरेको छ । त्यसबारे पनि छलफल भएको थियो ।
सम्बन्धित
प्रतिक्रिया