बिहीबार, जेठ ५, २०७९

देशैभर २ लाख ६६ हजार ५५५ सुरक्षाकर्मी परिचालन, काठमाडौं उपत्यकामा मात्र ११ हजारभन्दा बढी

मेरोन्यूज २०७९ वैशाख २८ गते ९:१५

काठमाडौं । यही बैशाख ३० मा हुने स्थानीय तहको निवार्चनका लागि मतदान स्थल १० हजार ७५६ रहेका निवार्चन आयोगले जनाएको छ । आयोगका अनुसार स्थानीय तहको निवार्चनमा एक करोड ७७ लाख ३३ हजार ७२३ जनाले मतदाता सहभागी हुदैछन् । यी मतदाता पुराना र नयाँ ३६ लाखसहित हुन् । मतदान केन्द्र २१ हजार ९५५ रहेका आयोगले जनाएको छ ।
कति खटिदैछन् यस निवार्चनमा सुरक्षाकर्मी
सरकारले स्थानीय तहको निवार्चनका लागि देशैभर जम्मा २ लाख ६६ हजार ५५५ सुरक्षाकर्मी परिचालन गरेको छ । गृहमन्त्रालयका अनुसार म्यादी,सशस्त्र, नेपाली सेनासहित २ लाख ६६ हजार ५५५ सुरक्षाकर्मी रहेका छन् ।
यसैगरी,नेपाल प्रहरी ६१ हजार ८३१ जना, म्यादी प्रहरी ९९ हजार ९५२ जना, सशस्त्र प्रहरी ३१ हजार ९२२ जना र नेपाली सेना ७३ हजार २४९ जना रहेका छन् । म्यादी बाहेक १ लाख ६६ हजार ६०२ जना सुरक्षाकर्मी खटिएका मन्त्रालयले जनाएको छ ।
हालसम्म ४४ जना म्यादी प्रहरी कारवाहीमा परेका छन् । ४ जना म्यादी प्रहरीको मृत्यु भएको छ ।
काठमाडौं उपत्यकामा मात्र ११ हजार भन्दा बढी सुरक्षाकर्मी परिचालन
काठमाडौं उपत्यकामा स्थानीय तहको निवार्चनका लागि नेपाली सेना बाहेक ११ हजार ५२० सुरक्षाकर्मी खटिएका छन् । जसमा नेपाल प्रहरी ४ हजार २१७ जना, म्यादी प्रहरी ४ हजार ७११ जना खटिएका गृह मन्त्रालयले जनाएको छ ।
त्यसैगरी, काठमाडौंमै नेपाली सेना २ हजार २६७ जना,राष्ट्रिय अनुसन्धान विभागका कर्मचारी (एनआईडी )३२५ जना खटिएका छन् ।

प्रतिक्रिया