कांग्रेस–माओवादीका उम्मेदवारलाई जिताउनु पर्छ : अध्यक्ष नेपाल
मेरोन्यूज
२०७९ वैशाख १५ गते १४:१२
![](https://www.meronews.com/content/static/2021/09/madhab-nepal.jpg)
काठमाडौँ । नेकपा एकीकृत समाजवादी अध्यक्ष माध नेपालले वडा तहमा पनि गठबन्धनमा सहमतिको प्रयास भइरहेको जानकारी दिएका छन् ।
काठमाडौँमा बिहीबार आयोजित कार्यक्रममा उनले पालिका प्रमुखमा जस्तै वडा तहमा सहमतिको प्रयास भइरहेको जानकारी दिए ।
अध्यक्ष नेपालले कांग्रेस, माओवादी केन्द्रसहित गठबन्धनमा आबद्ध दलका उम्मेदवारलाई निर्वाचित गर्न आफ्ना नेता तथा कार्यकर्तालाई आह्वान गरे ।
बिहीबार गठबन्धनको कार्यदलको बैठक बस्न लागेको जानकारी दिँदै उनले सहमतिका साथ गठबन्धन अघि बढ्ने बताए ।
स्थानीय तहमा गठबन्धनबीच सहमति कायम गरेर उम्मेदवारलाई निर्वाचित गराउने विषयमा छलफल गर्न कार्यदलको बैठक बस्न लागेको भन्दै उनले केही पालिकामा एकीकृत समाजवादीका उम्मेदवार निर्विरोध निर्वाचित भएका जानकारी दिए ।
सम्बन्धित
प्रतिक्रिया