१४ करोडभन्दा बढी मूल्यको हिरोइनसहित दुई पक्राउ
मेरोन्यूज
२०७९ वैशाख ११ गते १५:११
काठमाडौँ । करिब ७ किलो सेतो हेरोइनसहित विदेशी नागरिक पक्राउ परेका छन् । दक्षिण अफ्रिकाको जोहानेसवर्गबाट काठमाडौँ ल्याएको उक्त हेरोइन प्रहरीले बरामद गरेको हो ।
वैशाख ३ मा कतार हुँदै नेपाल आएकी जाम्बियन नागरिक कापुटुला अविसर्गको साथबाट हेरोइन बरामद गरिएको लागु औषध नियन्त्रण ब्यूरोले जनाएको छ ।
ब्यूरोले सो हेरोइन लिन आएकी ३५ वर्षीया भारतीय नागरिक लाल नुनपुई र जाम्बिया घर भएकी ३५ वर्षीया कापुटुलालाई पक्राउ गरेको हो ।
सुटकेशमा फल्स बटना बनाएर काठमाडौँसम्म ल्याएको उक्त हेरोइनको अवैध बजार मूल्य १४ करोड रुपैयाँ रहेको ब्यूरोले जनाएको छ । प्रहरीले उनीहरूमाथि थप अनुसन्धान थालेको छ ।
सम्बन्धित
प्रतिक्रिया