बुधबार, असार ५, २०८१

जनकपुर आइपुगे मध्यमा मिथिला परिक्रमावासी

मेरोन्यूज २०७८ चैत ३ गते १३:४५

जनकपुर । मिथिला क्षेत्रको प्रसिद्ध मध्यमा मिथिला परिक्रमावासी आज जनकपुरधाम आइपुगेका छन् । फागुन शुक्ल आमावसियामा जनकपुरधामबाट सुरु भएको मध्यमा परिक्रमा विहारको गिरिजास्थान हुँदै महोत्तरीको मटिहानी, जलेश्वर, मडई, ध्रुवकुण्ड, कञ्चनवन, धनुषाको प्रवत्ता, धनुषाधाम, सतोषर, औरही, करुणा, कल्याणेश्वर हुँदै पुनः जनकपुरधाम पुगी गृहपरिक्रमा पश्चात परिक्रमा सम्पन्न हुन्छ । भोलि विहान २ बजेदेखि नै श्रद्धालुहरू जनकपुरको गृह परिक्रमा गर्छन ।

Advertisement

परिक्रमामा सहभागी श्रद्धालुहरूले खाने, लाउने सामग्री आफैले बोकेर १५ दिनमा करिब एक सय २७ किलोमिटर खाली खुट्टा हिड्ने गर्छन् ।
यसैबीच, जनकपुरधामको वारह विघा पुगेका परिक्रमावासीको स्वागतमा मधेश प्रदेश सरकारको सहयोगमा वृहत्तर जनकपुर क्षेत्र विकास परिषद्ले कार्यक्रमको आयोजना गरेको छ ।

परिक्रमामा सहभागी हुँदा परिवारमा सुख समृद्धिको आगमन, जीवनमा गरेको पापबाट मुक्ति प्राप्ती र मरनोपरान्त आत्माले शान्ति पाउने जनविश्वास रहेकाले छ। मिथिलाञ्चल क्षेत्रको एतिहासिक, धार्मिक तथा पौराणीक महत्वको १५ दिने मिथिला परिक्रममा शुक्रवार धनुषाको प्रवत्ता पुग्नेछ ।
परिक्रमाको प्रत्येक विश्रामस्थलमा मिथिला महात्म्यको कथा वाचन गर्ने परम्परा रहेको सुन्दर सदनका महन्थ नवलकिशोर शरणले बताए ।

प्रतिक्रिया