गठबन्धन कायम राख्न कांग्रेस प्रतिबद्ध छ: गृहमन्त्री खाण

बुटवल । गृहमन्त्री बालकृष्ण खाणले सत्ता गठबन्धन कायम राख्न नेपाली कांग्रेस प्रतिबद्ध रहेको बताएका छन् । नेपाली कांग्रेस प्रदेश सभा क्षेत्रीय कार्यसमिति क्षेत्र नं ३ ‘ख’ रुपन्देहीमा आयाजित कार्यकर्ता भेटघाट कार्यक्रममा गृहमन्त्री खाणले मुलुकमा आइपरेको अफ्टेरो परिस्थितिमा बनेको गठबन्धनलाई कायउमै राखेर अगाडि बढ्न कांग्रेसले चाहेको बताए ।
उनले स्थानीय स्तरमा गाँउ र नगरमा विकास हुन कांग्रेसले स्थानीय तहको निर्वाचन जित्नुपर्ने बताए । ‘तल्लो तहसम्म गाउँ र नगरमा विकास हुन कांग्रेसले स्थानीय निर्वाचनमा जित्नसपर्छ । शान्ति र स्थायीत्वका लागि कांग्रेसले आगामी निर्वाचन जित्नुपर्छ,’ उनले ।
उनले अमेरिकी सरकारले नेपाललाई दिएको अनुदान अमेरिकी सहयोग नियोक (एमसीसी) जनताको पक्षमा र जनताको हितमा रहेको बताए । एमसीसी नेपालमा नदी नालाबाट उत्पादन हुने विजुली जनताको घरघरसम्म पु¥याउन आवश्यक गर्ने ट्रान्समिसन बनाउन स्वीकारिएको बताए ।
मुलुकको आर्थिक अवस्था चुनौतिपूर्ण रहेको बेलामा त्यसको सामना गर्न एमसीसीले सहयोग पु¥याउने उनले बताए । उनले पेट्रोलियम पदार्थको मूल्य बृद्धि बढिरहेको र आयात पनि बढिरहेकाले अब त्यो आयात घटनाउन विद्युतीय सामाग्रीको प्रयोग गर्न आग्रह गरे ।
प्रतिक्रिया