एकैदिन थपिए ६,७३४ कोरोना संक्रमित, तीन जनाको मृत्यु
मेरोन्यूज
२०७८ माघ ३ गते १६:५३
काठमाडौं । नेपालमा पछिल्लो २४ घण्टामा ६ हजार ७३४ जना कोरोना संक्रमित थपिएका छन् ।
पछिल्लो २४ घण्टामा १७ हजार ४६५ जनाको परीक्षण गर्दा ६ हजार ७३४ जनामा संक्रमण पुष्टी भएको हो ।
सोमबार पिसिआर परीक्षणबाट ५ हजार ७४७ र एन्टिजेन परीक्षणबाट ९८७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
देशभर ३० हजार ८ सय ७७ जना कोरोनाका सक्रिय संक्रमित छन् ।
पछिल्लो २४ घन्टामा कोरोना संक्रमणबाट ३ जनाको मृत्यु भएको छ ।
सोही अवधिमा ५ सय ४७ जना कोरोनामुक्त भएका छन् ।
यसैबीच, काठमाडौं उपत्यकामा सोमवार ३ हजार ९३९ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार काठमाडौंमा २९४३, भक्तपुरमा २०१ र ललितपुरमा ७९५ संक्रमित थपिएका छन् ।
सम्बन्धित
प्रतिक्रिया