शुक्रबार, चैत १६, २०८०

जनकपुरमा आफ्नै भवनबाट सिटिजन्स बैंकको सेवा सुरु

मेरोन्यूज २०७८ माघ ३ गते १४:२८

काठमाडौँ । सिटिजन्स बैंक इन्टरनेसनल लिमिटेडले विद्यापति चोक, जनकपुरमा आफ्नै भवनबाट सेवा सुरु गरेको छ । बैंकका प्रमुख कार्यकारी अधिकृत गणेशराज पोखरेलले भवनको उद्घाटन गरेका थिए ।

बैंकको उक्त शाखाको उद्घाटन समारोहमा स्थानीय निकायका प्रतिनिधि, उद्योगी, व्यापारी, विभिन्न संघ संस्थाका प्रमुखलगायतको उपस्थिति थियो । यस शाखामार्फत ग्राहकको वित्तीय आवश्यकता पूरा गर्न आवश्यक सम्पूर्ण रिटेल बैकिंग सेवा प्रदान गर्नुका साथै साना तथा कर्पोरट व्यवसायीमाझ वित्तीय पहुँच पु¥याउने लक्ष्य बैंकले राखेको छ ।

सुविधाजनक बचत खाता योजना, मुद्दती निक्षेप योजना, लकर सेवा, ए.टि.एम.सेवा, घर तथा सवारी कर्जा, साना व्यवसायी कर्जा, लगायतका वित्तीय सेवाहरु छिटो, छरितो, चुस्त र दुरुस्त रूपमा ग्राहकहरुलाई प्रदान गर्ने प्रतिबद्धता बैंकले जनाएको छ ।

सिटिजन्स बैंकले देशभर १७४ शाखा, १२३ ए.टि.एम. र ९० वटा शाखा रहित बैंकिङ्ग इकाईबाट ग्राहक वर्गलाई सेवा दिँदै आएको छ ।

Advertisement

प्रतिक्रिया