सोमबार, माघ ३, २०७८

सिम्खडाको नेतृत्वमा माओवादीको उपत्यका प्रदेश कमिटी निर्वाचित

मेरोन्यूज २०७८ मंसिर २६ गते २१:३६

काठमाडौं । नेकपा (माओवादी केन्द्र) को आइतबार सम्पन्न उपत्यका विशेष प्रदेशको प्रथम सम्मेलनले जगत सिम्खडाको नेतृत्वमा प्रदेश कमिटी निर्वाचित गरेको छ ।

सिम्खडाको नेतृत्वमा ८ पदाधिकारी रहने गरी १ सय ४१ सदस्य समिति सर्वसम्मत निर्वाचित भएको हो ।

उपत्यका विशेष प्रदेश समितिमा उपाध्यक्ष कृष्ण केसी, संगीता खड्का र प्रकाश पाण्डे चुनिएका छन् ।

यस्तै, सचिव सुरेन्द्र बस्नेत, सहसचिव गोगन मल्ल, सहसचिव विष्णु थापा र कोषाध्यक्षमा शंकर अधिकारी निर्वाचित भएको माओवादी केन्द्रका अध्यक्ष पुष्पकमल दाहाल प्रचण्डका स्वकिय सचिव रमेश मल्लले जानकारी दिए ।

प्रतिक्रिया