मंगलबार, चैत ६, २०८०

सीमानाकामा कडाई गर्न स्वास्थ्य समितिको निर्देशन (भिडियो)

मेरोन्यूज २०७८ मंसिर १९ गते २०:०६

काठमाडौँं । प्रतिनिधिसभा अन्तर्गतको शिक्षा तथा स्वास्थ्य समितिले नेपाल प्रवेश गर्ने सीमानाकामा खोप कार्ड र कोरोना परीक्षण गरेरमात्रै आवतजावतको व्यवस्था गर्न सरकारलाई निर्देशन दिएको छ ।

सिंहदरबारमा आइतबार बसेको समिति बैठकले भारतमा कोरोनाको नयाँ भेरियन्ट भित्रिएको भन्दै नेपालमा भारतबाट आवतजावतका बेला आवश्यक सतर्कता अपनाउन सरकारलाई निर्देशन दिएको हो ।

बैठकले नयाँ भेरियन्ट ओमिक्रोन रोकथाममा आवश्यक तयारी अहिलेदेखि नै सुरु गर्न पनि निर्देशन दिइएको समिति सभापति जयपुरी घर्तिले जानकारी दिइन् ।

‘बाहिरबाट आएका मानिसहरुलाई खोप नगरपालिका, गाउँपालिका र वडामा जतिबेला जान्छन् त्यतिबेला खोप लगाउने व्यवस्था गर्नुपर्छ ।’–समिति सभापति घर्तीले भनिन् ।



उनले कोरोनाको खोप सवै नागरिकसम्म पु¥याउने गरी व्यवस्था गर्न पनि निर्देशन दिएको बताइन् ।

बैठकमा स्वास्थ्य तथा जनसंख्यामन्त्री विरोध खतिवडाले कोरोनाबिरुद्धको बुस्टर डोज दिने तयारी भइरहेको जानकारी दिए । यस बिषयमा मन्त्रालयमा छलफल भइसकेको र आगामी मन्त्रिपरिषद्ले यसबारे निर्णय गर्ने उनले बताए।

उनले नेपालमा अव कोरोनाबिरुद्धको प्रयाप्त खोप रहे पनि लक्षित समूह खोप लगाउन नआएका कारण अव नयाँ व्यवस्था गरी सवै नागरिकलाइ खोप लगाउने जानकारी दिए ।

प्रतिक्रिया