आइतबार, असोज ३१, २०७८

कांग्रेस अधिवेशन: ५४ जिल्लामा शुरु, १० जिल्लामा स्थगित, १३ जिल्लामा क्रियाशील सदस्यतामै विवाद

मेरोन्यूज २०७८ असोज ९ गते २०:३२

काठमाडौं । नेपाली काँग्रेसको १४ औं महाधिवेशन अन्तर्गत शनिबार ५४ जिल्लाका स्थानीय तहहरुमा अधिवेशन सुरु भएको छ ।

शनिवार ६४ जिल्लाका नगर तथा गाउँ पालिकामा निर्वाचन गर्ने कार्यतालिका सार्वजनिक गरिए पनि १० जिल्लामा भने तयारी नपुगेको भन्दै स्थगित गरिएको छ ।

स्थगित भएका पालिकामा जिल्लामा खटिएका निर्वाचन अधिकृतलाई सहमतिमा नयाँ मिति तोकेर अधिवेशन गराउने जिम्मेवारी दिइएको केन्द्रीय निर्वाचन समितिले जनाएको छ । वडा अधिवेशन सम्पन्न भएपछि कांग्रेसल पालिकामा अधिवेशन शुरु गरेको हो ।

वडा अधिवेशन र नगर तथा गाउँपालिका अधिवेशन भइसक्दा प्रदेश २ सहित १३ जिल्लामा क्रियाशील सदस्यताकै विवाद कायम छ ।

कांग्रेस निर्वाचन समितिकाअनुसार, आगामी असोज १६ गतेसम्म ६४ जिल्लाकै सबै पालिकामा अधिवेशन सम्पन्न भइसक्नेछ ।

निर्वाचन समितिकाअनुसार शनिबार महोत्तरी, सिरहा, डोल्पा, सुर्खेत र बाँके गरी ५ जिल्लाको क्रियाशील सदस्यताको सूची समितिलाई प्राप्त भएको छ ।

Advertisement

प्रतिक्रिया