मंगलबार, फागुन २२, २०८०

स्थायी कमिटी बैठक बस्दै

माओवादी केन्द्रले सरकारमा पठाउने मन्त्री टुंगो लगाउला ?

मेरोन्यूज २०७८ साउन १८ गते ६:४४

काठमाडौं । नेकपा (माओवादी केन्द्र)को स्थायी कमिटी बैठक आज बस्दै छ । आज अपरान्ह ३ बजे पार्टी कार्यालय पेरिशडाँडामा स्थायी कमिटी बैठक बस्नेछ।

उक्त बैठकले सरकारमा सहभागी हुने मन्त्रीको टुंगो लगाउने बताइएको छ ।

आइतबारको स्थायी कमिटी बैठकपछि प्रवक्ता नाराणकाजी श्रेष्ठले नेकपा एमालेको माधव नेपाल समूहले सरकारमा जाने–नजाने निर्णय गर्न केही समय पर्खन भनेकाले ढिलाइ भएको र अब छिट्टै मन्त्रिपरिषद् विस्तार हुने बताएका थिए ।


प्रधानमन्त्री शेरबहादुर देउवा नेतृत्वको सरकारमा माओवादीबाट यसअघि नै अर्थमन्त्रीमा जनार्दन शर्मा र ऊर्जा मन्त्रीमा पम्फा भुसाल सहभागी छन्।

देउवा नेतृत्वको सरकारलाई एमालेको माधवकुमार नेपाल समूह, जसपा र राष्ट्रिय जनमोर्चाले पनि विश्वासको मत दिएको छ। जसपा सरकारमा जाने तयारीमा छ। नेपाल समूह सरकारमा जाने कि नजाने निर्णयमा पुगेको छैन भने जनमोर्चा सरकारमा नजाने बताइसकेको छ।

Advertisement

प्रतिक्रिया